வலசைபறவை

சின்ன உப்பு கொத்தி

Lesser Sand Plover

(Charadrius mongolus)

                

இந்த குழுப்பறவைகள் லடாக்,சிக்கிம்-லிருந்து எனது சூலூர் கிராம ராமச்சந்திரா குளத்துக்கு வந்திருக்கிறது எனில் வியப்புத்தான். சின்னஞ்சிறிய பறவைகள் மழை, வெய்யில், புயல் எனப்பாராமல் எத்தனை தொலை கடந்து வந்திருக்கிறது பாருங்கள். வழியில் வல்லூறு, பருந்து துரத்தியிருக்கும். எத்தனை இரவுகள், எத்தனை பகல்கள் ஆயிற்றோ! தடத்தில் நண்டு, புழு, மணல் வெட்டுக்கிளி கிடைத்திருக்கலாம். பசியுடனும் பறந்திருக்கலாம். வலசை உயிருக்குத் துணிந்த தேடல்.இவை மற்ற உள்ளான், மோதிரக்கோழிகளோடு குளக்கரையோரம் துறுதுறுவென இரை தேடியது கண்டு நானும் நண்பர் விஜயகுமாரும் கண்இமைக்காமல் ரசித்தோம். இதன் தலையும், அலகும், கால்களும் மற்றும் இரை தேடல் விதமும் இன்ன இனம் என தெரியப்படுத்துகிறது.